Përmbytjet që kanë përfshirë qarkun e Durrësit nuk kanë kursyer as burgun që ndodhet në këtë qytet.
Sipas autoriteteve uji ka hyrë në 8 qeli të këtij institucioni të ekzekutimit të veprës penale, teksa në ndihmë kanë shkuar dy mjete me pompa për të normalizuar situatën.
Mësohet se niveli i ujit ka arritur në 10-15 centimetra në katin e parë të burgut, ndërsa të gjithë të dënuarit janë zhvendosur në katin e dytë.
Në Durrës është raportuar situata më e rënduar nga përmbytjet që prej orëve të para të mëngjesit.
Disa familje të përmbytura janë evakuuar, teksa uji ka shkaktuar probleme në qarkullimin e njerëzve dhe të mjeteve.
Përmbytje ka pasur dhe në zonën e Spitallës, teksa është pezulluar procesi mësimor për shkak të oborreve të mbushura me ujë.
Shkarkoni aplikacionin Newsmax Balkans:
Mund ta shkarkoni aplikacionin Newsmax Balkans nga Google Play dhe App Store.
Komente (0)