Kreu i delegacionit të Bashkimit Europian në Tiranë është takuar me kreun e ri të SPAK-ut, Klodjan Braho. Në postimin e bërë të ditur nga vetë delgacioni, Gonzato ka theksuar faktin se rezultatet e prekshe të luftës ndaj korrupsionit dhe krimit të organizuar janë element kyç për anëtarësimin e Shqipërisë në Bashkimin Europian.
“Takimi i parë me Kryetarin e ri të SPAK-ut, Klodjan Braho. E përgëzova për arritjet e SPAK-ut deri më sot dhe theksova rëndësinë e vazhdimit të rezultateve të prekshme në luftën kundër krimit të organizuar dhe korrupsionit, një element kyç për përparimin e Shqipërisë drejt anëtarësimit në Bashkimin Evropian. Forcimi i kapaciteteve hetimore dhe garantimi i standardeve të larta në hetime dhe ndjekje penale, janë vendimtare për konsolidimin e progresit dhe arritjen e rezultateve të qëndrueshme. Bashkimi Evropian mbetet plotësisht i përkushtuar për të mbështetur SPAK-un dhe sundimin e ligjit në Shqipëri,” është shprehur ambasadori i BE-së në Shqipëri, Silvio Gonzato.
Shkarkoni aplikacionin Newsmax Balkans:
Mund ta shkarkoni aplikacionin Newsmax Balkans nga Google Play dhe App Store.
Komente (0)