"Me 236 km/h në rrugë ku shpejtësia e lejuar është 90 km/h", apel nga policia

Policisë Rrugore po zhvillon monitorime intensive në qarqe të ndryshme të vendit, për sigurinë në qarkullimin rrugor. Mjetet inteligjente po përdoren për të matur shpejtësinë, ndërsa kontrolle ka edhe për drejtuesit e mjeteve nën efektin e alkoolit.

Nëpërmjet një apeli publik, që synon parandalimin e aksidenteve rrugore, policia publikoi një shembull të rrezikshmërisë ekstreme në rrugët e vendit. Në një rast, radarët inteligjentë kanë kapur një automjet i cili po lëvizte me 236 km/h, në zona ku shpejtësia e lejuar është 90 km/h.

“Stop shpejtësisë dhe alkoolit gjatë drejtimit të automjetit! Guxim i verbër që luan me jetën e vet dhe të përdoruesve të tjerë të rrugës!”, shkruhej në njoftimin e policisë. Uniformat blu rikujtuan edhe rrezikun e drejtimit të automjetit nën efektin e alkoolit apo në gjendje të dehur, duke kërkuar zbatim të rregullave të qarkullimit rrugor, për të mbërritur të sigurt në destinacion.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)