Bllokimi i Elbasan- Qafë Thanë, autoritetet tregojnë alternativë tjetër rruge

Aksi rrugor Elbasan - Qafë Thanë është i bllokuar prej orësh këtë të dielë, teksa Autoriteti Rrugor Shqiptar dhe policia e shtetit ndodhen në zonën e rrëshqitjes së dherave dhe gurëve në Kthesën e Dragostunjës. 

Policia Rrugore e Elbasanit bën të ditur se po bashkëpunon me firmën kontraktore për mirëmbajtjen e rrugëve, me qëllim pastrimin e sa më shpejtë të akseve dhe rifillimin e qarkullimit.

Autoriteti Rrugor Shqiptar, ARRSH gjithashtu njoftoi se menjëherë pas bllokimit është ndërhyrë me mjete për të pastruar rrugën. Drejtuesit e mjeteve që udhëtojnë në drejtim të Tiranës dhe rretheve të tjera po orientohen të përdorin itinerarin Maliq- Lozhan- Moglicë -Gramsh-Elbasan.

Po punohet për hapjen e aksit teksa udhëtarët e bllokuar presi mes të ftohtit.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)