Shqiptarët nuk duan t’ia dinë, dështon protesta për çmimin e lartë të karburanteve

Shqiptarëve duket se nuk iu bën asgjë përshtypje. Pas debateve të ashpra online për shkak të rritjes së çmimit të karburanteve për shkak të luftës në Iran, duket se indinjata e qytetarëve qëndron vetëm pas tastjerës.

Dhe këtë e tregoi dhe dështimi i protestës së thirrur kundër rritjes së çmimit të karburanteve në bulevardin “Dëshmorët e Kombit”.

Tubimi ishte parashikuar të mbahej në orën 17:00, por përveç atyre që publikuan thirrjen në rrjetet sociale, askush nuk e mori mundimin të dalë në rrugë për një problem që prek drejtpërdrejt xhepat e çdo shqiptari.

Aktualisht çmimi i naftës në Shqipëri ka shkuar në 219 lekë për litër dhe cilësohet si një ndër më të lartët në shumë vende të botës.

Një ditë më parë, kreu i qeverisë Edi Rama deklaroi se janë marrë të gjitha masat për të shmangur abuzimet në tregun e hidrokarbureve.

Ai përsëriti se është ngritur një Task Forcë për të monitoruar situatën si dhe është rikthyer Bordi i Transparencës, teksa shtoi se ligji për rezervat strategjike tashmë është për konsultim publik.

Sipas tij, deri në këto momente nuk ka pasur shenja të abuzimit.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)