U mbyt në përroin e fshatit, gjendet trupi i 39-vjeçarit nga Elbasani

Një 39-vjeçar nga fshati Mlizë i Elbasanit është mbytur në përroin që kalon pranë fshatit.

27.11.2025. 02:44

U mbyt në përroin e fshatit, gjendet trupi i 39-vjeçarit nga Elbasani

Një ngjarje tragjike është regjistruar në fshatin Mlizë të Elbasanit, ku një 39-vjeçar ka humbur jetën pasi u rrëmbye nga përroi që kalon pranë zonës. Viktima është identifikuar si Ilia Tahiri, i cili një ditë më parë ishte shpallur i zhdukur nga familjarët.

Sipas informacioneve paraprake, dyshohet se 39-vjeçari ka qenë në gjendje të dehur në momentin kur ka rënë aksidentalisht në përroin e fryrë nga reshjet. Kërkimet për gjetjen e tij vijuan gjatë gjithë natës nga ekipet e policisë, zjarrfikësve dhe emergjencave civile.

Trupi i pajetë u gjet mëngjesin e sotëm në fshatin Kryezjarr.

Njoftimi i Policisë:

“Më datë 26.11.2025, rreth orës 20:00, kanë kallëzuar familjarët e shtetasit I. T., 39 vjeç, se ai është larguar nga banesa dje, rreth orës 13:00. Menjëherë pas kallëzimit, shërbimet e Policisë kanë ushtruar kontrolle të pandërprera për gjetjen e 39-vjeçarit. Gjatë kontrolleve në fshatin Kryezjarr, u gjet në një përrua, trupi i pajetë i shtetasit I. T.

Nga veprimet e para hetimore dyshohet se 39-vjeçari ka rënë aksidentalisht në përrua dhe për pasojë është mbytur.”

Policia po vijon hetimet për sqarimin e plotë të rrethanave të ngjarjes.

Shkarkoni aplikacionin Newsmax Balkans:

Komente (0)