4 të dyshuar si vrasës me pagesë, policia në Gjirokastër sekuestron armë dhe municione

Policia e Shtetit ka finalizuar operacionin policor të koduar “Provat”, në bashkëpunim me policinë greke, duke sekuestruar një arsenal armësh zjarri dhe municione luftarak. Gjatë kontrollit në banesat e të dyshuarve u gjetën dhe sekuestruan:

- 3 armë zjarri automatike

- 200 fishekë kallashnikovi

- 18 pako me fishekë pistolete

- 5 krehra

Armët dhe municioni u gjetën në një banesë në fshatin Labovë e Kryqit, ku banonte Dh. M., 45 vjeç, i arrestuar dy ditë më parë në Greqi për akuzën e vrasjes dhe pjesëmarrje në grup kriminal. Të dyshuarit konsiderohen vrasës me pagesë, ndërsa armët do të dërgohen për ekspertizë në Institutin e Policisë Shkencore. Hetimet po vijojnë për dokumentimin e veprimtarisë kriminale të shtetasve:

- Dh. M., 45 vjeç, Labovë e Kryqit, Gjirokastër

- A. B., 32 vjeç, Kudhës, Himarë

- F. P., 39 vjeç, Lezhë

- P. Th., 31 vjeç, Muzinë, Sarandë

Materialet iu referuan Prokurorisë pranë Gjykatës së Shkallës së Parë Gjirokastër për veprime të mëtejshme për veprat penale “Trafikimi i armëve dhe i municionit” dhe “Mbajtja pa leje dhe prodhimi i armëve dhe i municionit”. Ky operacion tregon bashkëpunimin efektiv mes Policisë shqiptare dhe asaj greke në luftën kundër krimit të organizuar dhe veprimtarive kriminale me armë zjarri.

Foto: Policia e Shtetit

NJOFTIMI I POLICISË:

Policia e Shtetit-Finalizohet operacioni policor i koduar "Provat". Bashkëpunimi mes Policisë së Shtetit dhe Policisë Greke çoi në zbulimin dhe sekuestrimin të një arsenali armësh zjarri dhe municioni luftarak.

Sekuestrohen 3 armë zjarri automatike, 200 fishekë kallashnikovi, 18 pako me fishekë pistolete dhe 5 krehra. Armët dhe municioni luftarak u gjetën në një nga banesat e një prej të arrestuarve në Greqi, të dyshuar si vrasës me pagesë.

Në kuadër të bashkëpunimit mes Policisë shqiptare dhe Policisë greke, pas shkëmbimit të informacionit për kapjen e disa shtetasve shqiptarë në Greqi, të dyshuar si vrasës me pagesë, strukturat e Policisë së Shtetit në Gjirokastër, Vlorë dhe Lezhë, në kuadër të operacionit policor të koduar "Provat", zhvilluan kontrolle në banesat e këtyre shtetasve.

Si rezultat i kontrollit në fshatin Labovë e Kryqit, shërbimet e Drejtorisë Vendore të Policisë Gjirokastër gjetën të fshehura, në banesën e shtetasit Dh. M., 45 vjeç, 2 kallashnikovë  dhe një armë zjarri automatike, të dyshuar të trafikuar dhe qindra fishekë të kalibrave të ndryshëm.

Armët e zjarrit, që u gjetën në banesën e 45-vjeçarit, i ndaluar 2 ditë më parë në Greqi, mbi akuza për vrasje dhe pjesëmarrje në grup kriminal që posedonte armë zjarri, do të dërgohen tek Instituti i Policisë Shkencore për ekspertim teknik.

Me qëllim dokumentimin e plotë të veprimtarisë kriminale të shtetasve shqiptarë Dh. M., 45 vjeç, banues në Labovën e Kryqit Gjirokastër; A. B., 32 vjeç, banues në Kudhës Himarë; F. P., 39 vjeç, banues në Lezhë; dhe P. Th., 31 vjeç, banues në Muzinë Sarandë, të dyshuar si vrasës me pagesë, strukturat e Departamentit të Policisë Kriminale, ato të DVP Gjirokastër, Vlorë e Lezhë, në bashkëpunim me Prokurorinë, po vijojnë hetimet e thelluara duke koordinuar dhe bashkëpunuar ngushtësisht me homologët grekë.

Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Gjirokastër, për veprime të mëtejshme, për veprat penale “Trafikimi i armëve dhe i municionit” dhe “Mbajtja pa leje dhe prodhimi i armëve, armëve shpërthyese dhe i municionit”.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)