Mbajtën peng dhe dhunuan 39-vjeçarin nga Kosova, gjykata vendos për tre vlonjatët

Ka përfunduar në Gjykatën e Shkallës së Parë në Vlorë seanca gjyqësore për tre personat e arrestuar në lidhje pengmarrjen e ndodhur pak ditë më parë, ku një 39-vjeçar nga Kosova mbahej prej dy javësh në një banesë në qytetin bregdetar.

Në seancën që zgjati më shumë se një orë, gjykata vendosi masën e arrestit me burg për Orest Çorapajn dhe Julian Zogajn, ndërsa për Vilson Agajn u caktua masa e arrestit shtëpiak.

Sipas Policisë së Vlorës, tre shtetasit akuzohen për rrëmbimin dhe mbajtjen peng të një shtetasi kosovar, 39-vjeçarit Fisnik Xhaka nga Mitrovica. Pengmarrësit dyshohet se i kishin kërkuar familjes së tij shumën prej 70 mijë eurosh në këmbim të lirimit.

Ngjarja ka ndodhur në një apartament në rrugën “Janaq Kilica”, në lagjen “Osman Haxhiu”, ku Xhaka është mbajtur i mbyllur që prej datës 28 nëntor. Pas lirimit, ai është dërguar në spital për ndihmë mjekësore, pasi kishte dëmtime në trup dhe plagë të shumta, duke ngritur dyshime se është dhunuar gjatë kohës së pengmarrjes.

LEXO MË SHUMË

Kronikë

Mbajtën 2 javë peng kosovarin në Vlorë dhe e dhunuan, shoqërohen 4 persona, i kërkuan 70 mijë euro

Policia në Vlorë ka shoqëruar 4 persona pasi dyshohet se kanë mbajtur peng një shtetas kosovar, duke i kërkuar këtij të fundit 70 mijë euro.

08:16 49 ditë më parë12.12.2025.

Autori

Kronikë

Pengmarrja në Vlorë, zbulohen detaje, kush ishte personi që mbahej peng?

Tre persona kanë rënë në pranga në Vlorë për pengmarrjen e një shtetasi kosovar. Viktima ishte mbajtur 2 javë i mbyllur në një banesë dhe për lirimin e tij kërkoheshin 70 mijë euro.

10:17 49 ditë më parë12.12.2025.

Autori

Gjatë kontrollit të ushtruar në banesën e Julian Zogajt, policia ka sekuestruar edhe një sasi lënde narkotike të dyshuar si kanabis. Për këtë arsye, ndaj tij rëndojnë edhe akuzat për “Prodhim dhe shitje të lëndëve narkotike”, si dhe “Mbajtje pa të drejtë të uniformës”.

Policia bën me dije se hetimet kanë nisur pas denoncimit të bërë nga motra e pengut, e cila jeton në Suedi. Ajo ka njoftuar autoritetet shqiptare, duke ndihmuar në identifikimin dhe arrestimin e autorëve të dyshuar, por hetimet për zbardhjen e plotë të ngjarjes vijojnë.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)