Aksident me vdekje në aksin Qafë Thanë–Librazhd, arrestohet drejtuesi i mjetit

Një 31-vjeçar ka rënë në prangat e Policisë së Elbasanit, pasi akuzohet për shkaktimin e një aksidenti me pasojë vdekjen.

Sipas njoftimit zyrtar të policisë ngjarja ka ndodhur ditën e sotme, rreth orës 13:30, në aksin rrugor “Qafë Thanë–Librazhd”.

Automjeti që drejtohej nga shtetasi O. B., 31 vjeç, ka përplasur këmbësoren, me inicialet F. H., 64 vjeçe, e cila si pasojë e plagëve të marra ka humbur jetën.

Specialistët e Qarkullimit Rrugor në DVP Elbasan arrestuan drejtuesin e mjetit në flagrancë për veprën penale “Shkelja e rregullave të qarkullimit rrugor”, me pasojë vdekjen.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)