Aksident me 3 të plagosur në Peqin-Rrogozhinë

Një tjetër aksident tragjik ka përgjakur rrugët e vendit, në orët e para të mëngjesit, po fatmirësisht këtë herë nuk ka pasur viktima.

Sipas të dhënave paraprake nga policia aksidenti ka ndodhur në aksin Peqin-Rrogozhinë, ku për pasojë kanë mbetur të plagosur 3 persona.

Në aksident janë përfshirë dy makina, të cilat janë përplasur kokë më kokë me njëra tjetrën, duke shkaktuar problematika për disa minuta në qarkullimin në këtë aks.

Tre të plagosurit janë dërguar me urgjencë në spital dhe ndodhen në monitorimin e mjekëve. Fatmirësisht ata janë jashtë rrezikut për jetën.

Policia ka shkuar në vendngjarje dhe po punon për zbardhjen e shkaqeve të këtij aksidenti të rëndë pas atij në Tepelenë, ku humbën jetën 3 të rinj.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)