Aksidentohet nga fadroma, ndërron jetë një 43-vjeçar në Tiranë

Një aksident i rëndë në vendin e punës i ka marrë jetën një 43-vjeçari në zonën e Dajtit në Tiranë, ndërsa policia ka vënë në pranga drejtuesin e mjetit të rëndë që dyshohet se shkaktoi ngjarjen.

Sipas njoftimit të Policia e Shtetit, specialistët për Hetimin e Krimeve në Komisariati i Policisë Nr. 4 në Tiranë arrestuan shtetasin me iniciale I. Ç., 56 vjeç. Ai akuzohet për veprën penale “Shkelja e rregullave të mbrojtjes në punë”.

Nga hetimet paraprake rezulton se 56-vjeçari, gjatë punës në një subjekt guroreje, ka përplasur aksidentalisht me mjetin e punës tip fadromë shtetasin A. Xh., 43 vjeç.

Sipas policisë, aksidenti ka ndodhur në momentin kur mjeti i rëndë po lëvizte në marsh mbrapa. Përplasja i ka shkaktuar plagë të rënda 43-vjeçarit, i cili nuk ka mundur t’i mbijetojë dëmtimeve dhe ka humbur jetën.

Pas ngjarjes, policia ka kryer veprimet e para hetimore dhe ka shoqëruar drejtuesin e fadromës, ndërsa më pas është bërë arrestimi i tij në flagrancë.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)