Një aksident rrugor është regjistruar në zonën e Laprakës në Tirana, ku si pasojë kanë mbetur të plagosur tre persona.
Sipas informacioneve paraprake, një 21-vjeçar me inicialet D. G., duke drejtuar automjetin e tij, është përplasur me një tjetër makinë që drejtohej nga shtetasi M. D., 26 vjeç. Rrethanat e aksidentit mbeten ende të paqarta.
Nga përplasja janë lënduar drejtuesi i automjetit të dytë, si dhe dy pasagjerët që udhëtonin me të. Të plagosurit janë transportuar menjëherë në spital, ku po marrin trajtim mjekësor nën kujdesin e bluzave të bardha.
Policia ka nisur hetimet për të zbardhur shkaqet e aksidentit dhe për të përcaktuar përgjegjësitë.
Shkarkoni aplikacionin Newsmax Balkans:
Mund ta shkarkoni aplikacionin Newsmax Balkans nga Google Play dhe App Store.
Komente (0)