Një tentativë grabitjeje me thikë është regjistruar në një supermarket në Korçë, ku një 40-vjeçar ka kanosur menaxherin për t’i marrë xhiron ditore.
Ngjarja ndodhi mbrëmjen e djeshme në një supermarket në lagjen 10 të qytetit. Sipas informacioneve, autori kishte pritur menaxherin të dilte jashtë ambientit dhe më pas e ka kërcënuar me një mjet prerës.
Forcat e policisë arritën të identifikojnë dhe arrestojnë autorin, i cili mbante veshur kapuç për të fshehur identitetin.
I arrestuari është 40-vjeçari Dhimitri Xhemali, person i njohur për policinë, pasi më parë është dënuar edhe për vjedhje.
Mbi të rëndon akuza e “vjedhjes me dhunë”, ndërsa policia po vijon hetimet për zbardhjen e plotë të rastit.
Shkarkoni aplikacionin Newsmax Balkans:
Mund ta shkarkoni aplikacionin Newsmax Balkans nga Google Play dhe App Store.
Komente (0)