Begaj përkujton Ditën e Rinisë: Guximi rinor i hapi rrugën Shqipërisë evropiane

Përmes një postimi në rrjetet sociale, presidenti i Republikës, Bajram Begaj ka përkujtuar 8 dhjetorin, e njohur ndryshe si Dita e Rinisë.

Në këtë datë, kreu i shtetit përkujtoi edhe njëherë sakrificën dhe guximin e të rinjve që i hapën rrugën Shqipërisë drejt demokracisë dhe Europës.

“Si sot, 35 vjet më parë, në rrugët e Tiranës ushtoi thirrja e studentëve idealistë: ‘E duam Shqipërinë si gjithë Evropa!’. Guximi dhe lëvizja rinore e Dhjetorit ’90 i hapën rrugën Shqipërisë europiane. Çdo hap që hedhim në këtë rrugëtim nderon guximin rinor që rrëzoi perden e hekurt që e ndante Shqipërinë nga Evropa”, shkruan Begaj në rrjetet sociale.

Presidenti Begaj thekson se aspirata europiane e shqiptarëve është e pandarë nga idealet e lirisë dhe demokracisë së atyre ditëve.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)