SPAK kërkoi autorizim për arrestimin e Ballukut, zbulohet kur mblidhet Këshilli i Mandateve

Këshilli i Mandateve pritet të mblidhet të premten, më 19 dhjetor, për të shqyrtuar kërkesën e paraqitur nga Prokuroria e Posaçme kundër Korrupsionit dhe Krimit të Organizuar (SPAK), e cila ka të bëjë me zv.kryeministren Belinda Balluku.

Sipas burimeve zyrtare, SPAK i ka kërkuar Kuvendit të Shqipërisë heqjen e imunitetit parlamentar të Ballukut, si dhe dhënien e autorizimit për arrestimin e saj, në kuadër të një hetimi penal që po zhvillohet nga organi i akuzës.

Në mbledhjen e Këshillit të Mandateve do të shqyrtohet dokumentacioni i paraqitur nga SPAK, si dhe argumentet ligjore që lidhen me kërkesën për heqjen e imunitetit. Pas këtij shqyrtimi, Këshilli do të hartojë një raport, i cili më pas do t’i paraqitet seancës plenare të Kuvendit.

Vendimi përfundimtar do të merret nga deputetët në seancë plenare, të cilët do të votojnë nëse do të miratojnë ose jo kërkesën e Prokurorisë së Posaçme.

Zhvillimet e së premtes do të jenë vendimtare për ecurinë e mëtejshme të çështjes Balluku e cila tashmë akuzohet për 7 procedura tenderimi.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)