Aktualitet
Borë deri 40 cm, akse të bllokuara dhe mungesë energjie në Dibër
Reshjet e borës kanë shkaktuar probleme në Dibër. Raportohen rrugë të bllokuara dhe mungesë energjie në disa zona.
09:31 1 ditë më parë11.01.2026.
AutoriPoshtë zyrës së Ramës, Adriatik Lapaj njofton datën e protestës së tretë kombëtare
17 janari do ta gjejë Adriatik Lapajn në bulevardin "Dëshmorët e Kombit", bashkë me qytetarë e mbështetës të Lëvizjes "Shqipëria Bëhet", në protestën e tretë kombëtare, ku do të kërkohet largimi i Edi Ramës.
12.01.2026. 21:22
Ajo e 4 janarit nuk do të jetë protesta e fundit e Lëvizjes “Shqipëria Bëhet” para Kryeministrisë.
Anëtarë të saj, aktivistë dhe qytetarë që mbështesin partinë e Adriatik Lapajt do të dalin sërish në shesh më 17 janar, për të kërkuar dorëheqjen e Edi Ramës dhe Belinda Ballukut, në protestën e tyre të tretë kombëtare.
Vetë Lapaj përmes rrjeteve sociale ka njoftuar se protesta do të nisë në orën 18:00, përballë godinës së Kryeministrisë, aty ku ai prej javësh tashmë ka ngritur zërin kundër qeverisë.
"Në datën 17 janar në orën 18:00, ditën e shtunë masivisht duhet të bashkohemi përballë zyrës së Edi Ramës dhe qeverisë më të korruptuar të Europës. Sepse ata, kur jemi veç e veç na thyejnë. Nëse ti je një student që nuk e gjen të drejtën dhe emigron, duhet të bashkohesh. Nëse ti je një person që ke probleme me shëndetin dhe nuk e merr trajtimin e duhur, duhet të bashkohesh. Nëse ti je një fermer që përmbytesh dhe nuk ke marrë dëmshpërblim, duhet të bashkohesh. Nëse je ish pronar që nuk e ke marrë të drejtën e pronës, duhet të bashkohesh. Nëse ti je një familje e re që nuk mund të blesh një apartament prej çmimeve të shtrenjta, duhet të bashkohesh Nëse ke hapur një biznes të ri dhe tatimorët nuk të lënë rehat, duhet të bashkohesh. Nëse je një qytetar që përballesh me mungesën e cilësisë së ushqimeve në këtë vend, duhet të bashkohesh. Nëse ti je përballur me korrupsionin, duhet të bashkohesh, sepse nëse ne bëhemi të githë bashkë ata e kanë të pamundur të na thyejnë”, thotë Lapaj në videon e shpërndarë në rrjetet sociale, ku kërkon pjesëmarrje masive në tubim dhe si shenjë të bashkimit që bën fuqinë, përdor një tufë shkarpa, të cilën e mban në duar.
Njoftimi i Lapajt për protestë vjen vetëm pak ditë pasi ai refuzoi t'i bashkohej tryezës së thirrur nga Partia Demokratike për të bashkuar frontin opozitar, me qëllim rrëzimin e kryeministrit Edi Rama.
Shkarkoni aplikacionin Newsmax Balkans:
Komente (0)