“Bëri sikur 21 janari nuk ekzistonte”, Rama sulmon SPAK: U mor me letra anonime

Kryeministri Edi Rama e ka përdorur 15 vjetorin e 21 janarit për të sulmuar SPAK dhe drejtësinë e re, e cila sipas tij nuk ka bërë drejtësi për një nga ngjarjet më të rëndë në Shqipërinë demokratike.

Kreu i qeverisë, në ceremoninë e organizuar për këtë ngjarje, u shpreh se SPAK bëri për vite me radhë sikur 21 janari nuk ekzistonte si dosje, teksa u mor me çështje të ngritura me letra anonime.

Sipas tij, për SPAK nuk mjaftoi as vendimi i Strasburgut që e shpalli 21 janarin krim shtetëror për të marrë në pyetje përgjegjësit e kësaj ngjarje.

LEXO MË SHUMË

Politikë

“Me plumb ballit opozitës”, Rama kujton 21 janarin: Një mendje kriminale donte të tregonte që të vriste

Kryeministri Rama ka përkujtuar krimin shtetëror të 21 janarit 2011, ku 4 protestues të opozitës që drejtohej prej tij në atë kohë, u vranë përpara kryeministrisë. Rama shprehet se një mendje kriminale donte të tregonte që vriste.

10:09 56 ditë më parë21.01.2026.

Autori

“Sa më i madh bëhet në çdo 21 janar zhgënjimi juaj të dashur familjarë të 4 dëshmorëve, për mosardhjen e drejtësisë. 15 vjet pa drejtësi janë 15 vjet të një padrejtësie të madhe mbi Shqipërinë dhe popullin shqiptar. Për ju familjarët e dëshmorëve, 15 vjetët e këtij boshllëku janë sa një jetë e tërë e jetuar në ankth e poshtërim. Atyre që ishin gjyshër janë bërë stërgjyshër, ndërsa atyre 4 pjesëve të shpirtit tuaj, nuk iu ka ardhur kohë të prehen të qetë sepse as përmbysja e sistemit të drejtësisë, as pavarësimi i gjyqësorit dhe as rënia e kultit të pandëshkueshmërisë nuk kanë mjaftuar për ta zhdukur hijen e padrejtësisë mbi 21 janarin. Nuk ka mjaftuar as vendimi i Strasburgut që prokurorët specialë t’iu kishin kërkuar Gjykatës drejtësinë për 21 janarin. Ndërkohë që vetëm në emër të drejtësisë ne iu bëjmë atyre hosanara dhe ju japim rroga të larta, pa llogaritur justifikimin me durim dhe në heshtje për gabimin e tyre si gabime të një institucioni të ri për shtetin e së drejtës demokratike.

Por halli është se kur vjen kjo ditë vijnë në kurrizin tonë gurët e mllefit që ndihet i përdorur nga drejtësia e re dhe i përbuzur që drejtësia për 21 janarin të vihet në vend. Ndihem i zbrazët kur shoh sesi kaloi dhe një vit dhe 21 janari rierdhi me hijen përqeshëse të padrejtësisë. Sot burgjet kanë njerëz në qeli pa gjyq sesa njerëz të dënuar me formën e prerë. Një pjesë e të paraburgosurve janë viktima të karshillëkut të hapur ndaj të drejtave të njeriut.

Përgjegjësit kryesorë të tragjedisë mezi u thirrën për t’u pyetur pas thuajse 15 vitesh. Nuk rezulton asnjë krim shtetëror i pandëshkuar. Për vite edhe SPAK bëri sikur kjo çështje nuk ekziston edhe pse është kryeçështja e abuzimit me pushtetin që SPAK merret. Kur i është dashur SPAK ka hetuar çështje të hapura me letra anonime. Apo ka mbajtur peng punë me interes shtetëror, me çështje të sforcuara sa mund të shkruhen romane satirike”, tha Rama në ceremoni, përpara se të vendoste lule në bulevard ku u vranë 15 vite më parë 4 protestuesit.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)