“Të përmbysim Narkoregjimin që ka marrë peng shtetin”, Partia e Lirisë thirrje për protestën e opozitës

Edhe Partia e Lirisë i ka bërë thirrje qytetarëve që ti bashkohen tubimit së opozitës. Nëpërmjet Sekretarit të Përgjithshëm, Tedi Blushi të gjithë janë ftuar sot në protestën kombëtare përpara Kryeministrisë, duke e cilësuar këtë si një “moment vendimtar” për shprehjen e pakënaqësisë ndaj qeverisë.

“Sot është dita e revoltës, e zemërimit, e guximit, e llogaridhënies dhe e triumfit të lirisë ndaj Narkoregjimit. Është një moment historik”, tha numri 2 i Partisë së Lirisë. Sipas tij kjo “është pika e kthesës në përpjekjen e përbashkët popullore për të përmbysur Organizatën Kriminale që ka marrë peng shtetin, institucionet dhe të ardhmen e Shqipërisë”.

Ai bëri apel që qytetarët e Tiranës dhe qytetarë nga qytetet e tjera të Shqipërisë të bashkohen në shesh në orën 17:00 për të treguar pakënaqësinë ndaj korrupsionit dhe për të kërkuar llogaridhënie nga qeveria. “Ky është një moment për të bërë të dëgjuar zërin e qytetarëve, të mbrojnë të drejtat dhe liritë e tyre dhe të kërkojnë respektimin e shtetit ligjor,” u shpreh Blushi.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)