Ndryshimet në Kodin Penal për shpifjen, OSBE: Hap përpara i rëndësishëm

Përfaqësia e OSBE në vendin tonë ka reaguar menjëherë pas miratimit në Kuvend të ndryshimeve në Kodin Penal në lidhje me shpifjen.

Sipas OSBE, ky është një hap shumë i rëndësishëm i hedhur nga Shqipëria për forcimin më tej të lirisë së shprehjes.

Ajo shton se me këto ndryshime forcohet mbrojtja për gazetarët dhe ligji përafrohet me rekomandimet e OSBE që mbështeteshin dhe nga profesionistët.

“Ne vijojmë të inkurajojmë dekriminalizimin e plotë të shpifjes dhe përdorimin e masave civile proporcionale,” thuhet në deklaratën e OSBE-së.

Organizata thekson se kalimi nga ndëshkimi penal tek masat civile do të krijojë një mjedis më të sigurt për gazetarët dhe profesionistët e medias, duke ulur efektin frikësues që penalizimi aktual ka mbi lirinë e shprehjes.

Prezenca e OSBE-së në Shqipëri mirëpret ndryshimet e fundit në Kodin Penal lidhur me shpifjen, si një hap të parë të rëndësishëm drejt forcimit të lirisë së shprehjes. Forcimi i mbrojtjes për gazetarët pasqyron një rekomandim të hershëm të OSBE-së.

Ne vijojmë të inkurajojmë dekriminalizimin e plotë të shpifjes dhe përdorimin e masave civile proporcionale”, shkruhet në reagim.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)