“Opozitari i opozitës, i shërben qeverisë”, Berisha reagon pas ftesës së refuzuar nga Shehaj

Kryetari i Partisë Demokratike, Sali Berisha ka organizuar një bashkëbisedim me qytetarët në rrjetet sociale. Kreu demokrat e postoi video live në profilet e tij zyrtare, duke i’u përgjigjur pyetjeve të demokratëve dhe jo vetëm.

I pyetur nga një qytetar rreth ftesës së refuzuar nga kreu i partisë Mundësia, Agron Shehaj, lideri i PD-së nuk përdori lojëra fjalësh. Sipas Berishës, ai mori votat e qytetarëve dhe u bë deputet për të bërë opozitë dhe jo për ti shërbyer mazhorancës.

“Përgjigje më të saktë mund t’ua japë Agron Shehaj, që ka moralin të krahasojë PD me PS. Pretendon... ose thotë se është i persekutuar. Zgjedhësit, ata që kanë votuar Agron Shehaj-n, s’e kanë bërë këtë që ai mos të bashkohet me frontin e gjerë opozitar për të larguar të keqen, Edi Ramën. Ata qytetarë konsiderojnë Edi Ramën të keqen më të madhe. Opozita është e hapur. Ata që duan të bëjnë opozitën e opozitës, janë në shërbim të qeverisë”, tha Berisha.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)