Napoli fiton Superkupën e Italisë, Bologna dorëzohet përballë David Neres

Napoli ka fituar për herë të tretë në historinë e klubit Superkupën e Italisë. Të kaltërit mposhtën 2-0 Bologna-n e drejtuar nga trajneri Italiano në finalen e zhvilluar në Riad. Ky është trofeu i parë i fituar nga napolitanët me teknikun Antonio Conte në pankinë.

Protagonist absolut i finales ishte braziliani Neres, i cili zhbllokoi ndeshjen në minutën e 39-të me një goditje të saktë me të majtën në trekëndësh. Në fillim të pjesës së dytë, ai përfitoi nga një gabim në mbrojtjen e Bologna-s dhe dyfishoi shifrat me një parabël elegante.

Finalja nuk kishte histori, me kundërshtarët që nuk arritën të shfaqnin thuajse asgjë. Me këtë sukses, Antonio Conte ngjitet në kuotën e Superkupave të fituara si trajner. Pas dy triumfeve me Juventusin në vitet 2012 dhe 2013, tashmë pas më tepër se një dekade ai shton në koleksion edhe trofeun e vitit 2025 me Napolin.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)