Po shkonin të shihnin ndeshjen, 7 tifozë humbasin jetën në aksidentin horror

Shtatë persona kanë humbur jetën në një aksident të rëndë rrugor në Rumani. Sipas raportimeve nga mediat rumune, në ngjarje u përfshi një minibus që transportonte tifozët e PAOK-ut të Selanikut. Automjeti në të cilin udhëtonin 10 pasagjerë, ishte nisur nga Greqia dhe po udhëtonte drejt Francës.

Tifozët kishin planifikuar të ndiqnin ndeshjen e së enjtes në Europa League mes Lyonit dhe PAOK-ut. Sipas raportimeve, tre persona të tjerë janë plagosur rëndë dhe ndodhen të shtruar në spital në gjendje kritike për jetën. Pamjet nga kamera në bordin e një tjetër mjeti, treguan momentet dramatike të përplasjes.

Imazhet e publikuara nga mediat lokale, tregonin se minibusi grek tentoi të parakalojë një automjet tjetër, përpara se të përplaset ballë për ballë me një kamion që po vinte nga drejtimi i kundërt. Autoritetet rumune kanë nisur hetimet për zbardhjen e plotë të shkaqeve të aksidentit.

Foto nga web

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)