Polonia “pa portier” ndaj Shqipërisë, zbulohen “kartat” e Urban

Kombëtarja e Polonisë duket se ka gati formulën për sfidën vendimtare ndaj Shqipërisë, me trajnerin Jan Urban që pritet të hedhë në fushë një formacion ofensiv, por edhe me disa zgjedhje surprizë.

Burimi: Sport.pl

26.03.2026. 11:35

Polonia “pa portier” ndaj Shqipërisë, zbulohen “kartat” e Urban

Kombëtarja e Polonisë duket se ka gati formulën për sfidën vendimtare ndaj Shqipërisë, me trajnerin Jan Urban që pritet të hedhë në fushë një formacion ofensiv, por edhe me disa zgjedhje surprizë.

Sipas mediave polake, dilemat e teknikut janë zgjidhur pas seancave të fundit stërvitore, ndërsa risia më e madhe pritet të jetë debutimi i talentit të ri Oskar Pietuszewski, i cili sipas mediave polake do ta nisë nga stoli.

Në portë, mungesa për shkak dëmtimi e Łukasz Skorupski i ka hapur rrugë aktivizimit të Kamil Grabara, i cili ka fituar besimin e stafit teknik falë aftësive të tij në lojën me këmbë.

Në mbrojtje, dyshja e sigurt pritet të jetë Jan Bednarek dhe Jakub Kiwior, ndërsa për vendin e tretë Urban duket se do të zgjedhë eksperiencën e Tomasz Kędziora, duke lënë pas alternativa të tjera.

Foto nga web

Në krahë, Polonia do të mbështetet te dinamika e Matty Cash në të djathtë dhe Michał Skóraś në të majtë, me këtë të fundit që zëvendëson të pezulluarin Nicola Zalewski.

Mesfusha do të drejtohet nga Piotr Zieliński, i konsideruar si truri i skuadrës, ndërsa pritet të mbështetet nga Bartosz Slisz. Jakub Moder mund ta nisë ndeshjen nga stoli për shkak të gjendjes fizike.

Në repartin ofensiv, dyshja Sebastian Szymański dhe Jakub Kamiński do të mbështesin kapitenin Robert Lewandowski, i cili mbetet arma kryesore për golat.

Ndeshja do të nisë në orën 20:45 dhe konsiderohet vendimtare për rrugëtimin drejt Botërorit.

Shkarkoni aplikacionin Newsmax Balkans:

Komente (0)