Greqia në alarm, avionët turq hyjnë e dalin disa herë gjatë ditës

Forcat ajrore greke kanë ngritur gatishmërinë e tyre gjatë së premtes, pas pretendimeve se disa avionë ushtarakë turq dhe dronë, kanë shkelur disa herë hapësirën ajrore.

Sipas mediave greke, avionët turq kanë thyer disa rregulla të trafikut ajror gjatë ditës së sotme, ku përfshihej dhe përdorimi avionëve luftarakë F-16.

Incidenti ndodhi në verilindje të Detit Egje, në hapësirën ajrore midis ishujve Lemnos dhe Lesbos.

Sipas të dhënave zyrtare, u regjistruan gjithsej katër shkelje të rregullave të trafikut ajror dhe tetë shkelje të hapësirës ajrore kombëtare.

Turqia ende nuk ka bërë një reagim zyrtar për këto pretendime të palës greke.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)