Serbia rikthen shërbimin e detyrueshëm ushtarak, Vuçiç tregon kur hyn në fuqi

Në një klimë të tensionuar globale ku shpenzimet për mbrojtjen po shtohen në të gjitha vendet, edhe Serbia ka vendosur të hedhë një hap në drejtim të kësaj çështje duke rikthyer shërbimin e detyrueshëm ushtarak.

Lajmi u bë nga presidenti serb, Aleksandër Vuçiç i deklaroi se shërbimi ushtarak për të rinjtë e vendit do të hyjë në fuqi në fund të këtij viti ose në muajt e parë të 2027.

“Ne do ta marrim këtë vendim së shpejti, brenda një ose dy muajve të ardhshëm, dhe do ta çojmë në Parlament dhe do të fillojmë regjistrimin e rekrutëve ushtarakë”, tha Vuçiç, pas një takimi me udhëheqësit ushtarakë.

Sipas kreut të shtetit serb në lidhje me këtë çështje është e nevojshme që të restaurohen qendrat e rekrutimit dhe çdo gjë tjetër që ka lidhje me këtë proces.

Megjithatë, aplikimi i shërbimit të detyrueshëm ushtarak duhet ta marrë pëlqimin e Kuvendit të Serbisë.

Që nga heqja e tij më 1 janar 2011, shërbimi ushtarak në Serbi ka qenë vullnetar.

Ndër vendet që nuk e kanë hequr shërbimin e detyrueshëm ushtarak janë Zvicra, Norvegjia, Danimarka, Finlanda, Austria, Turqia, Estonia, Greqia, Qiproja, Ukraina, Rusia dhe Bjellorusia.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)