“Humbën betejën me delet”, mbi 13.500 persona në Turqi përfunduan në spital gjatë Kurban Bajramit

Mbi 13 mijë e 500 persona përfunduan në spital në Turqi gjatë festës së Kurban Bajramit, teksa përpiqeshin të kryenin sakrificën tradicionale të deleve. Sipas raportimeve, shumë prej tyre u plagosën aksidentalisht me thika, ndërsa disa të tjerë humbën “betejën” me delet, që tentuan të arratiseshin apo ti shpëtonin therjes.

Ngjarja ka shkaktuar reagime të shumta dhe humor në rrjetet sociale. “Delet thanë: Thirrni ambulancën… por jo për mua”, ishte një prej komenteve pikantë nga përdoruesit. Ministri turk i Shëndetësisë, Kemal Memişoğlu, ka bërë të ditur se vetëm në ditën e parë të Kurban Bajramit, 13 mijë e 513 persona kanë kërkuar ndihmë mjekësore për shkak të lëndimeve të pësuara gjatë therjes së kurbaneve.

Sipas raportimeve, shumë qytetarë u paraqitën në urgjencë pasi u plagosën aksidentalisht gjatë procesit të therjes, duke shkaktuar një fluks të madh pacientësh në spitalet e vendit. Mediat turke raportuan se repartet e emergjencës u përballën me një numër të madh të të ashtuquajturve “kasapë amatorë”.

Foto: TRTHaber

Në një deklaratë të publikuar në rrjetet sociale, ministri Memişoğlu u bëri thirrje qytetarëve të tregojnë më shumë kujdes gjatë procesit të therjes së kurbaneve. Çdo vit gjatë Kurban Bajramit, spitalet në Turqi raportojnë mijëra raste lëndimesh të lidhura me therjen e kafshëve, kryesisht nga persona pa përvojë profesionale.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)