"Zbardhet" pranvera, dëborë deri në 40 centimetra, vështirësi në qarkullim në disa akse

Temperaturat e ulëta kanë rikthyer surprizën e dimrit në mes të pranverës, duke sjellë reshje dëbore në disa zona të Shqipërisë dhe duke krijuar vështirësi si në qarkullim, ashtu edhe për sektorin bujqësor.

Gjatë orëve të natës, reshjet e dëborës kanë përfshirë kryesisht zonat malore si Mali i Dajtit, Gjinarin dhe Fushë-Studën në Elbasan, ndërsa në Llogara situata është bërë më problematike për shkak të intensitetit të lartë të reshjeve. Autoritetet kanë rekomanduar përdorimin e zinxhirëve ose kalimin nga tuneli.

Në veri të vendit, në Shkodër, trashësia e dëborës ka arritur deri në 40 centimetra në zonën e Qafë Thores, ndërsa në disa akse si Dedaj-Bogë dhe Bogë-Theth është punuar për të mbajtur rrugët të hapura.

LEXO MË SHUMË

Aktualitet

Moti i paqëndrueshëm, reshje shiu dhe dëbore në disa zona

Territori shqiptar do të ndikohet këtë të premte nga kushte atmosferike të paqëndrueshme, me vranësira mesatare deri të dendura dhe intervale të herëpashershme me diell, kryesisht në ultësirën perëndimore.

08:25 64 ditë më parë27.03.2026.

Autori

Edhe në qarkun e Dibrës dhe në Bulqizë, reshjet kanë zbardhur zonat mbi 300 metra, duke vështirësuar lëvizjen në rrugët rurale dhe duke shqetësuar fermerët, pasi temperaturat nën zero mund të dëmtojnë kulturat në lulëzim.

Në juglindje, dëbora është rikthyer në zonat përreth Pogradecit dhe në akset Qukës-Qafë Plloçë dhe Qafë Thanë, ndërsa në disa zona të Korçës janë raportuar ndërprerje të energjisë elektrike për mijëra abonentë.

Pavarësisht situatës, autoritetet bëjnë apel për kujdes në qarkullim, ndërsa theksojnë se akset kryesore mbeten të kalueshme.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)