Të siguruara nga trafiku i drogës, prokuroria kërkon konfiskimin e disa pasurive

Prokuroria e Tiranës i ka kërkuar gjykatës së Tiranës konfiskimin e pasurive të shtetasit Elton Arkaxhiu dhe të afërmve të tij pasi dyshohet se janë krijuar nga aktivitete të paligjshme.

Nga hetimet zbulohet se ky shtetas, i cili aktualisht ndodhet i dënuar në Francë për trafik droge, në kohën kur janë krijuar pasuritë, nuk ka pasur mundësi financiare të ligjshme për blerjen e tyre.

Prokuroria ka arritur në këtë konkluzion pas analizës financiare dhe dokumentacionit të administruar gjatë periudhës 2005-2010, të Elton Arkaxhiut dhe vëllait të tij.

Për këtë arsye, prokuroria kërkoi konfiskimin e një trualli, një ndërtese dhe dy njësive të shërbimit dhe kalimin e tyre në favor të shtetit.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)