Aksident i rëndë në Lezhë, 4 të plagosur, 2 në gjendje të rëndë

Një përplasje e fortë mes dy automjeteve ka ndodhur këtë të diel qarkullimin në aksin kombëtar Lezhë-Laç, duke lënë pas katër persona të plagosur.

Aksidenti ka ndodhur në rrethana që ende po hetohen, ndërsa përplasja mes dy makinave ka qenë e tillë sa ka kërkuar ndërhyrjen e menjëhershme të shërbimeve të emergjencës. Si pasojë, katër persona kanë mbetur të lënduar, dy prej të cilëve ndodhen në gjendje të rëndë shëndetësore. Të plagosurit janë transportuar me autoambulancë drejt spitalit për të marrë ndihmën e nevojshme mjekësore.

Në vendngjarje kanë mbërritur edhe shërbimet e Policisë Rrugore, të cilat kanë bërë sigurimin e zonës dhe normalizimin e qarkullimit, i cili për disa minuta ka qenë i vështirësuar. Sipas verifikimeve paraprake, drejtuesit e mjeteve nuk kanë qenë nën efektin e alkoolit në momentin e aksidentit.

Grupi hetimor ka nisur punën për të përcaktuar shkaqet e sakta të ngjarjes, duke analizuar faktorët që mund të kenë çuar në përplasjen e automjeteve.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)