Vrasja e Kevin Muharremit në Itali, arrestohet autori shqiptar, po arratisej me ‘Range Rover', bashkë me familjen

Policia italiane ka zbardhur në kohë record vrasjen e 25-vjeçarit shqiptar, Kevin Muharremi, i cili u qëllua tre herë me armë zjarri, teksa ndodhej si pasagjer në një automjet tip “Fiat Doblo”.

Mediat italiane raportojnë se për ngjarjen e rëndë të ndodhur në Montecalvoli, është arrestuar si autor i dyshuar 20-vjeçari shqiptar Renato Xyke. I riu u ndal nga oficerët e policisë rrugore në autostradën A1, teksa po drejtonte një “Range Rover”, të cilin e përdori për t’u largua nga vendi i ngjarjes.

Mjeti ishte duke ikur në drejtim të Romës, kur u ndalua nga oficerët pranë Arezzos dhe 20-vjeçari nuk ka bërë rezistencë në momentin e arrestimit.

Policia kishte bërë postbobllok në zonë pasi kishin marrë një informacion, i cili ishte dërguar në të gjitha forcat e policisë, duke detajuar targën dhe markën e makinës së autorit dhe kur e panë të kalonte, e ndoqën dhe e ndaluan.

Ajo çka ka lënë pa fjalë policinë italiane, ishte se në makinë bashkë me Renato Xyken, ndodheshin edhe prindërit dhe motra e tij, të cilët me sa duket po e ndihmonin të arratisej e të humbte gjurmët në Romë. 

Kush ishte viktima?

Foto: Facebook

Kevin Muharremi punonte në një lavazh makinash dhe jetonte në Fuceçhio. Nëna dhe motra e tij jetojnë në Shqipëri, ndërsa ai qëndronte me kushëririn e tij, i cili ishte gjithashtu në makinë me të kur Xyke i mori jetën.

Miqtë dhe të afërmit e kanë përshkruar Kevin Muharremin përshkruhet si një i ri i mirë, serioz dhe punëtor. Një 25-vjeçar i integruar në mënyrë të përkryer që jetonte në zonën e Cuoios me disa të afërm, përfshirë një teze dhe kushërinj. Njëri prej tyre ishte ulur në sediljen e pasme të makinës në të cilën i riu u vra me tre të shtëna me armë zjarri. Nëna dhe motra e tij, të cilat jetojnë në Shqipëri, morën avionin e parë për në Itali sapo dëgjuan lajmin, ndërsa krimi tronditi komunitetin.

Si ndodhi vrasja?

Foto: Facebook

Tragjedia sipas La Nazione ndodhi pas një grindjeje në një bar. Hetuesit ende po shqyrtojnë detajet e ngjarjes, por pamja që del është ajo e një krimi për arsye banale. Një grindje brenda një bari në Capanne, në komunën e Montopoli Valdarno, është ajo që i kushtoi jetën 25-vjeçarit.

Tre të shtënat me armë zjarri i morën jetën 25-vjeçarit. Krimi ndodhi në agim, teksa i riu ndodhej në sediljen e pasagjerit të një makine “Fiat Doblò”. Dy personat e tjerë në makinë, shoferi dhe kushëriri i viktimës, i cili ishte në sediljen e pasme, mbetën të padëmtuar. Të shtënat duket se i paraprinë grindjes në barin, në Capanne. Mbetet për t'u parë nëse ka pasur një ndjekje midis dy makinave, apo nëse personi që qëlloi është shfaqur më vonë në Montecalvoli. “Range Rover-i” është ndalur pranë Fiat Doblò-s, dhe më pas autori ka shtënë mbi Kevin. Banorët e fshatit, duke dëgjuar të shtënat dhe të alarmuar nga britmat e të rinjve në makinë me viktimën, telefonuan karabinierët dhe shërbimet e emergjencës, të cilët ofruan ndihmën e parë.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)