Mblidhet Kryesia e PD, Berisha: Mision historik rikthimi i votës së lirë dhe rikthimi në pushtet

Në mbledhjen e Kryesisë së Partisë Demokratike pritet të miratohen ndryshimet në statut, që më pas do kalojnë në Kuvendin Kombëtar të PD. 

Në fjalën e tij kreu i PD, Sali Berisha tha se ky Kuvend do të sanksionojë bazat për transformimin e PD, duke pasur mision historik rikthimin e votës së lirë dhe rikthimin në pushtet të PD.

LEXO MË SHUMË

Politikë

Gati për Kuvendin Kombëtar, zbardhen propozimet e PD për statutin

Partia Demokratike synon të riorganizojë strukturat e saj duke propozuar një sërë ndryshimesh në statut, para se të mbajë Kuvendin e saj.

19:38 4 h më parë27.05.2026.

Autori

"Në këtë mbledhje të rëndësishme, e cila do miratojë ndryshimet statutore, e cila do miratojë listat, propozimet për Këshillin Kombëtar, do miratojë grupin që do drejtojë Kuvendin, pra është një mbledhje me vendime shumë të rëndësishme.

Ne finalizojmë me Kuvendin tonë Kombëtar procesin e zgjedhjeve në PD dhe sanksionojmë bazat për një transformim të vërtetë të PD.

Transformim i cili parakupton apo nënkupton ripërtëritjen e forcës tonë politike.

Nënkupton organizim, organizim, organizim për këtë forcë.

Nënkupton modernizimin e saj.

Dhe e fundit dhe më e rëndësishmja, nënkupton përpunimin e vizionit të kësaj partie në këto shtylla.

PD do të arrijë atë transformim të domosdoshëm për të përmbushur një mision historik të saj, dhe misioni historik i PD është rikthimi i votës së lirë të qytetarëve shqiptarë dhe rikthimi i PD në pushtet.

Në të gjithë këtë përpjekje, ne synojmë të angazhojmë, të mobilizojmë çdo potencial për përmbushjen e misionit tonë të vështirë.

Në këtë udhëtim, ne mbështetje më kryesore kemi lirinë, demokracinë e kësaj partie, konsultën me anëtarësinë, ripërtëritjen e saj të fuqishme me anëtarësime të reja, ripërtëritjen e saj në të gjitha nivel

et", tha ai.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)