“Rama e kontrollonte Bashën me dy dosje”, Berisha: Kishte marrë opozitën në kontroll, e bënte afera

Nga Foltorja e Laprakës, Sali Berisha lëshoi sërish akuza ndaj kryeministrit Edi Rama, duke e krahasuar qeverisjen e tij me regjimin diktatorial të Enver Hoxhës.

Sipas kreut të demokratëve, Edi Rama e boshatisi Shqipërinë në 10 vite dhe vodhi paratë e tyre duke i kthyer në luks për vete.

“Hyjmë në vitin e 13 në opozitë. Jemi në vitin e 13 të përballjes me një regjim antishqiptar. Një regjim që pakësoi shqiptarët më shumë se çdo epidemi apo luftë e pushtim. Kjo është goditja më e madhe që ka marrë kombi shqiptar. Në 10 vite Edi Rama përzuri mbi 1 milionë shqiptarë vetëm në Shengen. Ne u përballëm në këto 13 vite me një regjim i cili plaçkiti më shumë se çdo regjim tjetër. Nëse Enver Hoxha i shndërroi paratë e shqiptarëve në bunkere, këta i shndërruan në parajsë, vila, hotel, konto, pasuri të pamasë. Ky regjim shkatërroi vlerat e një shoqërie të lirë që duhet të konsolidoheshin”, u shpreh Berisha.

Më tej, Sali Berisha akuzoi paraardhësin e tij se ishte marrë peng nga Edi Rama me dy dosje, duke e bërë opozitën në kontrollin e qeverisë.

“Sot e vërteta është që jemi në agun e një fitoreje. Edi Rama përdori shumë armë, mjete për Shqipërinë pa opozitë. Nuk kam pasur dyshime se i tillë është. Edi Rama përdori mjete financiare, korruptimi për të fshirë opozitën. Ju zgjodhët të vërtetën dhe shpëtuar opozitën. Rama e kishte vendosur në kontroll opozitën. Dy dosje i kishte hapur kryetarit tonë dhe i tërhiqte fijet. Ditën e thërriste në prokurori, natën i çonte Agaçin dhe bënte pazare. Liria pa opozitën e vërtetë nuk ekziston”, deklaroi Berisha.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)