Fyerjet ndaj Lapajt, dënohet Agron Shehaj

Agron Shehaj u dënua nga Gjykata e Posaçme për sulm ndaj kreut të "Shqipëria Bëhet", Adriatik Lapaj.

Vendimi vjen pasi ky i fundit e paditi për fyerje e shpifje.  Sipas vendimit të dhënë, Shehaj është dënuar dhe obligohet të paguajë një gjobë prej 3 milionë lekësh për të mbuluar shpenzimet e procesit gjyqësor. 

Shehaj e akuzoi Lapajn se kishte marrë 45 milionë lekë nga kompania “Merkaj 3 shpk”, e sekuestruar nga SPAK pasi përdorej për të pastruar paratë e grupit kriminal të  “Çopjave”.

Ai mohoi akuzat duke thënë se paratë nuk i kishte marrë dhe ishin thjesht detyrime ndaj shërbimeve si avokat ndaj kompanisë në fjalë.

Shehaj vazhdoi sërish me akuzat, duke i shoqëruar edhe me dokumente, ku thoshte se Lapaj ka marrë përsipër regjistrimin e një prone miliona euroshe që kompania e Çopjave kishte blerë në bregdet.

Sipas Shehajt, vendimi për pronën është dhënë nga vetë vjehrri i Adriatik Lapajt, Alltun Çela, kur ai ishte kryetar i Gjykatës së Sarandës.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)