Ish-futbollisti i përfaqësueses ndërron jetën në moshën 49-vjeçare nga sëmundja e rallë neurologjike

Futbolli grek është tronditur nga lajmi i ndarjes nga jeta të Paraskevas Antzas, ish-mbrojtësit të Olympiacos dhe kombëtares greke. Antzas ndërroi jetë në moshën vetëm 49-vjeçare pas një beteje të gjatë me sëmundjen e rrallë neurologjike ALS. Ajo njihet ndryshe si Skleroza Laterale Amiotrofike.

“Me dhimbje të thellë i japim lamtumirën një njeriu dhe futbollisti të madh, që veshi fanellën kuqezi me pasion, forcë dhe dinjitet”, thuhej në mesazhin prekës të klubit të Olympiakos, të shpërndarë në formën e një deklarate zyrtare. Më tej, klubi grek shtonte: “Ai la gjurmë të thella tek të gjithë ne. I shprehim ngushëllimet më të sinqerta familjes dhe të afërmve të tij”.

Nga viti 1999, Antzas zhvilloi 26 ndeshje me kombëtaren e Greqisë dhe ishte pjesë e ekipit në Euro 2008. Me Olympiakosin ai fitoi shtatë herë kampionatin grek, duke u kthyer në një nga mbrojtësit më të vlerësuar të futbollit grek të asaj periudhe. Pas përfundimit të karrierës, ish-futbollisti u diagnostikua me ALS, një sëmundje e rëndë neurologjike që prek sistemin nervor dhe shkakton humbje progresive të kontrollit muskulor.

Antzas nuk është futbollisti i parë që humb jetën nga kjo sëmundje. Në vitin 2005 ndërroi jetë edhe Krzysztof Nowak, ish-lojtari i VfL Wolfsburg, i cili vdiq në moshën 29-vjeçare po nga ALS. Në kujtim të tij, klubi gjerman krijoi “Fondacionin Krzysztof Nowak”, që ndihmon personat e prekur nga kjo sëmundje neurologjike.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)