“Puthja kushton 100 euro më shumë”: Rrëfimi i një eskorte luksi në Milano

Një grua 37-vjeçare që punon si eskortë luksi në Milano ka treguar detaje mbi jetën dhe biznesin e saj, duke zbuluar një treg të strukturuar, fitimprurës dhe të ndërtuar mbi rregulla të qarta. E njohur me emrin Taylor B., ndërsa në jetën reale quhet Alessandra Vittiglio, ajo përshkruan një përditshmëri me dhjetëra kërkesa dhe të ardhura që mund të arrijnë deri në 3 mijë euro në ditë, ose të zbresin në rreth 700 euro. Sipas saj, fitimet mujore mesatare arrijnë deri në 20 mijë euro.

Një pjesë e klientëve kërkojnë edhe përfshirje emocionale, shpesh duke e pyetur “A më do?”, pyetje së cilës ajo i përgjigjet: “Në këtë moment”. Sipas Vittiglio, klientët janë kryesisht profesionistë me kohë të kufizuar dhe kërkesa të larta, ndërsa një pjesë e madhe janë burra të martuar. Ajo pretendon se shpesh ofron më shumë se shërbime fizike, duke përfshirë edhe dëgjim dhe “këshillim”, që në disa raste arrin deri në 1000 euro për një orë.

Ndërkohë, ajo pohon se e menaxhon vetë të gjithë aktivitetin: nga komunikimi me klientët te marketingu online dhe ndërtimi i reputacionit në platforma të dedikuara. Dhuratat luksoze dhe pagesat e larta janë pjesë e zakonshme e marrëdhënieve me klientët, por, sipas saj, nuk krijojnë asnjë detyrim personal.

Foto: Corriere della Sera

Ajo thekson se pavarësia është elementi kyç i punës së saj, duke vendosur vetë oraret, çmimet dhe kufijtë. Për shkak të natyrës së profesionit, masat e sigurisë janë të larta dhe lëvizjet e saj shpesh shoqërohen. Rrëfimi i saj hedh dritë mbi një realitet pak të dukshëm, ku marrëdhëniet ndërtohen mbi marrëveshje të qarta financiare dhe ku gjithçka funksionon si një “biznes i pastër”.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)