“Respektoni vizën”, tjetër apel i ambasadës së SHBA për shqiptarët: Kujdes, do deportoheni

Ambasada e Shteteve të Bashkuara të Amerikës në Tiranë ka bërë një tjetër apel drejtuar qytetarëve shqiptarë që të respektojnë me përpikmëri kushtet e vizës që ata disponojnë.

Sipas ambasadës, shkelja e afateve të vizave mund të ketë pasoja të rënda për të udhëtuar apo punuar në Shtetet e Bashkuara.

“Respektoni kushtet e vizës suaj amerikane dhe periudhën e lejuar të qëndrimit në Shtetet e Bashkuara. Qëndrimi në Shtetet e Bashkuara përtej “Datës së pranimit deri më…” të I-94 mund të çojë në pasoja të rënda si heqja e vizës, deportimi i mundshëm dhe pamundësia për të marrë viza në të ardhmen.

Qëndrimi i tejzgjatur mund të ndikojë në mënyrë të përhershme në mundësinë tuaj për të udhëtuar, studiuar ose punuar në Shtetet e Bashkuara”, thuhet në reagimin e ambasadës.

Pak ditë më parë, Departamenti i Shtetit në SHBA vendosi të pezullojë për një afat të pacaktuar aplikimin e vizave për 75 vende, mes të cilave edhe Shqipëria.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)