Bora përfshin Korçën, trashësia arrin deri në 20 cm

Reshjet e borës kanë përfshirë që në orët e para të mëngjesit të së dielës disa zona të qarkut Korçë, duke sjellë vështirësi në qarkullimin rrugor, veçanërisht në zonat malore.

Borë ka rënë në akset Boboshticë–Dardhë, Bilisht–Miras dhe Korçë–Voskopojë, ku trashësia në lartësitë mbi 900 metra shkon nga 15 deri në 20 centimetra. Si pasojë, drejtimi i mjeteve kërkon kujdes të shtuar.

Autoritetet bëjnë me dije se po vijon puna për pastrimin dhe kriposjen e rrugëve, me qëllim mbajtjen e tyre të hapura për qarkullim. Ndërkohë, drejtuesit e automjeteve këshillohen të përdorin goma dimërore dhe të shmangin lëvizjet e panevojshme.

Apeli i institucioneve është për respektim të rregullave të qarkullimit rrugor, ulje të shpejtësisë dhe udhëtime vetëm me mjete të pajisura për kushtet e dimrit, për të shmangur aksidentet dhe bllokimet.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)