Lejuan ndërtimet pa leje në Shkodër, dërgohen në gjyq efektivi i policisë, kryeinspektori dhe dy inspektorë të IMT-s

Prokuroria e Shkodrës ka përfunduar hetimet dhe ka dërguar për gjykim një punonjës policie, kryeinspektorin dhe dy inspektorë të IMT-së, të cilët akuzohen për shpërdorim detyre dhe moskallëzim krimi në lidhje me ndërtime pa leje në zonën e Vau-Dejës.

Hetimet nisën pas një materiali të referuar nga Agjencia e Mbikëqyrjes Policore, ku më 9 prill 2025 u raportuan të dhëna operative se në fshatrat Pistull dhe Paçram, në Njësinë Administrative Hajmel, po kryheshin ndërtime të paligjshme.

Sipas Prokurorisë, këto ndërtime dyshohet se janë favorizuar nga punonjës të policisë dhe inspektorë të IMT-së, të cilët nuk kanë ushtruar detyrat ligjore dhe nuk kanë raportuar shkeljet.

Në përfundim të hetimeve u morën të pandehur:

• A.D., punonjës policie në Komisariatin Vau-Dejës, i akuzuar për moskallëzim krimi dhe shpërdorim detyre, me masën “Detyrim për t’u paraqitur në policinë gjyqësore”.
• M.L., kryeinspektor pranë IMT-së në Bashkinë Vau-Dejës, i akuzuar për moskallëzim krimi dhe shpërdorim detyre, me të njëjtën masë sigurie.
• J.H., inspektore e IMT-së në bashkinë Vau-Dejës, e akuzuar për moskallëzim krimi dhe shpërdorim detyre.
• D.Ll., inspektor i IMT-së, i akuzuar për të njëjtat vepra penale.
• B.D., i akuzuar për veprime që pengojnë zbulimin e së vërtetës.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)