Dhunoi bashkëjetuesen shtatzënë, arrestohet në Serbi shqiptari

Një 24-vjeçar shqiptar, i shpallur në kërkim ndërkombëtar për dhunë të rëndë ndaj bashkëjetueses së tij shtatzënë, është kapur në Serbi falë një operacioni policor ndërkombëtar të koordinuar mes Interpol Tiranës dhe Interpol Beogradit.

Shtetasi i arrestuar, i identifikuar si K. M., 24 vjeç, ishte shpallur në kërkim pasi Gjykata e Dibrës, në mars të vitit 2025, i kishte caktuar masën e sigurisë “Arrest në burg” për veprën penale “Plagosja e rëndë me dashje”, pas dhunës së ushtruar ndaj partneres së tij në muajin janar.

Arrestimi i tij provizor në Serbi është pjesë e operacionit të koduar “The Wanted”, një iniciativë ndërkombëtare që synon kapjen e personave të shpallur në kërkim nga drejtësia shqiptare. Autoritetet policore po vijojnë bashkëpunimin për të siguruar ekstradimin e tij në Shqipëri, ku do të përballet me drejtësinë për veprat penale.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)