Vrau biznesmenin Ardian Nikulaj në Shëngjin, burg përjetë për “killerin” portugez

Gjykata e Lezhës këtë të mërkurë ka shpallur fajtor dhe ka dënuar me burgim të përjetshëm portugezin Ruben Saraiva, i cili akuzohej për vrasjen e biznesmenit Ardian Nikulaj.

Sipas vendimit, Saraiva do të vuajë dënimin maksimal të parashikuar nga ligji shqiptar për rolin e tij si ekzekutor në këtë ngjarje të rëndë kriminale.

Vrasja ndodhi në vitin 2023 në restorantin e viktimës në Shëngjin. Nikulaj u qëllua për vdekje nga afër brenda lokalit të tij, ndërsa Saraiva ishte veshur si një shpërndarës porosish dhe pasi kreu krimin u largua me motor nga vendngjarja.

Hetimet zbuluan se atentati ishte i mirëorganizuar dhe i planifikuar në detaje, me lëvizje të koordinuara nga autorët, por i pandehuri ka mohuar vazhdimisht përfshirjen në krim.

LEXO MË SHUMË

Kronikë

Vrasja e biznesmenit Ardian Nikulaj, Prokuroria kërkon burg përjetë për ‘killerin’ portugez

Biznesmeni Ardian Nikulaj, i cili ushtronte veprimtarinë e tij në fushën e hoteleri-turizmit, u vra në një restorant në pronësi të tij, që ndodhet në shëtitoren e Shëngjinit.

10:58 22 ditë më parë03.03.2026.

Autori

Kronikë

Akuzohet për vrasjen e Nikulaj, mbrojtja e Saraivës hedh akuza për diskriminim

Në seancën e mbajtur këtë të martë për Ruben Saraiva, të akuzuarin për vrasjen e biznesmenit Ardian Nikulaj, pala mbrojtëse ka akuzuar drejtorinë e burgjeve për diskriminim.

12:07 15 ditë më parë10.03.2026.

Autori

Sipas hetimeve, vrasja dyshohet se është porositur nga Edmond Haxhia me banim në Britaninë e Madhe, për motive hakmarrje, ndërsa Saraiva ka pasur rolin kryesor në ekzekutim.

Në skemën e organizimit të atentatit kanë qenë të përfshirë edhe shtetasit britanikë Stephen Hunt, Thomas Mithan, Harriet Bridgeman dhe Harry Simpson, të cilët dyshohet se kanë ndihmuar në mbikëqyrjen dhe organizimin e sulmit.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)