Paralajmërimi i SHBA për sulme, PS: Njoftim rutinë; PD: Siguria kombëtare nuk është çështje kafenesh

Paralajmërimi i ambasadës së Shteteve të Bashkuara se grupe të lidhura me Iranin mund të shënjestrojnë Shqipërinë ka shkaktuar përplasjet e radhës mes dy grupeve kryesore politike në Kuvendin e Shqipërisë.

Sipas kreut të grupit të PD, Bardhi, siguria kombëtare nuk është çështje kafenesh, teksa reagimin e qeverisë në lidhje me këtë çështje e cilësoi një tentativë për të diskretituar Shtetet e Bashkuara.

“Çështjet e sigurisë kombëtare nuk janë cështje kafenesh. Nuk janë as çështje Twitteri as e burimeve të qeverisë. Për të mos e përdorur për politikë dhe për të mos shqetësuar qytetarët, më duhet të them se ne si deputet nuk kishim asnjë njoftim. Qëndrimi i ministrit ishte skandaloz. Një qeveri që nuk ka kapur një gram kokainë prej vitesh sigurisht që nuk është e besueshme. Përpjekjet për të diskretituar paralajmërimet e SHBA e bën Shqipërinë qesharake. Ose kjo do të tregojë se nuk ka një besim mes dy vendeve anëtarë të NATO. Mesazhi që dha Rama me zyrën e shtypit, ishte që shqiptarët nuk duhet t’i besojnë SHBA për sigurinë. Kjo është një tentativë për të diskretituar Shtetet e Bashkuara. Duam të vijë Rama dhe të japë sqarime”, tha Bardhi.

LEXO MË SHUMË

Aktualitet

Paralajmërimi i SHBA për sulme iraniane në Shqipëri, PD: Të mblidhet Këshilli i Sigurimit! Hoxha: Nuk është alarmuese

Pas alarmit të dhënë nga ambasada e SHBA në Tiranë për shënjestrim nga Irani të vendeve në Shqipëri, deputeti demokrat Tritan Shehu kërkoi nga Kuvendi që kryeministri Edi Rama të përgjigjet për masat e mara në këtë drejtim, por ministri i Jashtëm, Ferit Hoxha tha se s'ka vend për alarm.

10:22 3 ditë më parë02.04.2026.

Autori

Aktualitet

Ambasada e SHBA: Grupe të lidhura me Iranin mund të shënjestrojnë Shqipërinë

Ambasada amerikane në Tiranë paralajmëron se grupe të lidhura me Iranin mund të shënjestrojnë në Shqipëri subjekte të lidhura me SHBA-në, si dhe opozitën iraniane.

19:28 3 ditë më parë01.04.2026.

Autori

Ndërkohë, kreu i grupit të PS, Balla e cilësoi reagimin e ambasadës si një njoftim rutinë që DASH ka nxjerrë për të gjitha ambasadat në botë që nga nisja e konfliktit në Lindjen e Mesme.

“Më vjen keq që për hesape të debatit politik përdoret një njoftim rutinë si në të gjitha ambasadat e SHBA. DASH në mënyrë të përditshme në komunikimet në rrjetet sociale, që prej marsit i njofton qytetarët e saj në mbarë botën se mund të jenë target i sulmeve të Iranit. Po ne jemi aleatë të SHBA. Trump qartësoi hapat që do të ndjekë SHBA. Ne e përshëndesim Trump për asgjësimin apo pamundësimin e regjimit të Iranit që të jetë një rrezik në Lindjen e Mesme. SHBA e ka mbështetur Shqipërinë kur kemi qenë në shënjestër të Iranit. Kemi miratuar një deklaratë ku ju nuk morët pjesë dhe pastaj i shpallët luftë Iranit. Lërini teatrot”, deklaroi Balla.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)