Rama prezanton ADS: Shteti nuk do të jetë më peng i privatëve. Nuk po e falim tokën në Zvërnec

Transformimi digjital i administratës shqiptare hyn në një fazë të re. Kryeministri Edi Rama prezantoi këtë të premte shoqërinë e re shtetërore “Albanian Digital Solution”, një kompani që synon të marrë një rol kyç në zhvillimin dhe mirëmbajtjen e sistemeve digjitale të institucioneve publike, duke reduktuar varësinë nga kompanitë private.

Gjatë prezantimit, Rama e cilësoi krijimin e ADS si një moment të rëndësishëm në rrugëtimin e qeverisjes elektronike në Shqipëri, duke vlerësuar punën e deritanishme të Agjencisë Kombëtare të Shoqërisë së Informacionit.

“Është një ditë e shënuar në rrugën e revolucionit digjital. AKSHI është një histori e jashtëzakonshme suksesi që ka nisur me një grusht shërbimesh dhe sot ka arritur në mbi 1200 shërbime publike online dhe më shumë se 3 milionë përdorues”, u shpreh Rama.

Sipas tij, rritja e vazhdueshme e sistemeve elektronike ka sjellë nevojën për një strukturë të re që të merret me aspektin operacional, zhvillimin dhe mirëmbajtjen e platformave shtetërore.

Kryeministri theksoi se ADS do të jetë një kompani 100 për qind shtetërore, me synimin për t’u kthyer në një qendër tërheqëse për profesionistët më të mirë të teknologjisë së informacionit.

“Po krijojmë një kompani që do të zhvillojë sisteme pa qenë e nevojshme që shteti t’i drejtohet gjithmonë sektorit privat. Ambicia është që ADS të bëhet kompania publike më e suksesshme në fushën e zhvillimit dhe mirëmbajtjes së sistemeve dixhitale, me kapacitet për të ofruar pagat më të larta në treg dhe për të tërhequr talentet më të mira”, deklaroi Rama.

Ai shtoi se kompania do të garantojë vazhdimësinë teknike të sistemeve shtetërore dhe do të shmangë situatat kur institucionet publike mbeten të varura nga operatorët privatë për funksionimin e shërbimeve të tyre.

LEXO MË SHUMË

Politikë

Përvjetori i 35-të i PS-së, Rama nga Korça: Nga dhuna e vitit ’96, te rruga europiane e Shqipërisë

Kryeministri e krahasoi atë periudhë me zhvillimet e fundit të vendit në raport me Bashkimin Europian, duke theksuar se vendi ynë sot ndodhet në një fazë krejt tjetër dhe më pranë integrimit europian.

18:12 1 ditë më parë28.05.2026.

Autori

Politikë

“Shqipëria në fazën finale drejt BE”, Rama dhe Marta Kos optimistë në Bruksel: Negociatat përfundojnë brenda 2 viteve

Shqipëria ka shënuar një tjetër hap të rëndësishëm në rrugën drejt anëtarësimit në Bashkimi Europian, gjatë Konferencës së 8-të Ndërqeveritare Shqipëri-BE që u zhvillua në Bruksel.

20:56 2 ditë më parë26.05.2026.

Autori

Politikë

“Jemi fanatikë të Europës”, Rama në Bruksel: Shqipëria drejt një tjetër hapi kyç për anëtarësimin në BE

Me fokusin tek negociatat dhe integrimi europian, delegacioni shqiptar i kryesuar nga Edi Rama ka mbërritur në Bruksel për të marrë pjesë në Konferencën e 8-të Ndërqeveritare mes Shqipërisë dhe Bashkimi Europian.

19:32 2 ditë më parë26.05.2026.

Autori

Gjatë komunikimit me mediat, Rama komentoi edhe debatin mbi projektin në Zvërnec. Ai hodhi poshtë pretendimet se shteti po fal prona publike, duke i cilësuar ato si lajme të pavërteta.

“Zvërneci është një pronë private. Investitorët janë shumë seriozë dhe e kanë blerë pronën nga privatët. Shteti nuk po fal asgjë. Toka e ishullit do të mbetet pronë e shtetit shqiptar”, theksoi kryeministri.

Sipas Ramës, negociatat për pjesën ku shteti ka interes vijojnë ende përmes Korporatës Shqiptare të Investimeve, e cila është pjesë e projektit.

Lexo më shumë

Aktualitet

"Teknologjia e re, bekim", Rama: Të përfitojmë sa më shumë për çështjen e pronave

Në fjalën e tij në konferencë rajonale të vendeve të Ballkanit perëndimor për sigurinë e pronës, kryeministri Edi Rama tha se teknologia na ka sjellë bekim përsa i përket çështjes së pronave.

12:30 3 ditë më parë26.05.2026.

Autori

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)