Nëpër botë
Përdorën vetëm spraj djegës, grabiten 2,7 mln dollarë në qendër të Tokios
Neutralizuan pesë viktimat pa përdorur asnjë armë, paratë do të transportoheshin me makinë drejt Hong Kongut.
11:44 8 h më parë30.01.2026.
Autori(VIDEO) Turi i Leo Messi nis mes kaosit, tifozët shkatërrojnë stadiumin në Indi
Bëri vetëm një xhiro të shkurtër në fushën e Kalkutës. Kishin paguar 100 euro për biletë, mijëra tifozët e pranishëm shkatërruan ulëset dhe vandalizuan fushën.
13.12.2025. 11:59
Një tur i shkurtër i Lionel Messi-t në Kalkutë ka përfunduar mes kaosit në stadium. Në paraqitjen e tij të parë si pjesë e “Goat Tour” në Indi, ylli argjentinas i Inter Miami bëri vetëm një xhiro të shkurtër në fushë para mijëra tifozëve, pavarësisht se kishte planifikuar edhe pjesëmarrjen në një ndeshje miqësore.
Tifozët, shumë prej të cilëve kishin paguar mbi 100 dollarë për të siguruar biletën, u zemëruan kur nuk arritën ta shihnin Messi-n nga afër dhe disa prej tyre shkatërruan ulëset, hodhën shishe uji dhe vandalizuan fushën. Para ngjarjes, “pleshti” kishte marrë pjesë në inaugurimin e një statuje 21-metër të lartë në nder të tij, në të cilën shfaqet duke mbajtur Kupën e Botës në dorë.
Kryeministrja e Shtetit të Bengalit Perëndimor, Mamata Banerjee, u shpreh e “tronditur” dhe kërkoi falje për incidentin, duke njoftuar një hetim mbi ngjarjen. Messi do të vazhdojë turin e tij në Indi me ndalesa në Hyderabad, Mumbai dhe New Delhi, ku pritet edhe një takim i mundshëm me kryeministrin Narendra Modi.
Shkarkoni aplikacionin Newsmax Balkans:
Komente (0)