Elbasanit nuk i ndahet trafiku as në ditën e parë të vitit

Situatë e rënduar me qarkullimin e mjeteve është regjistruar sërish në aksin Tiranë-Elbasan, ndonëse është dita e parë e vitit dhe pritej një ulje e fluksit të lëvizjes së qytetarëve.

Pika kritike, ku mjete kanë krijuar një radhë kilometrike vazhdon të mbetet rrethrrotullimi i Bradasheshit, zonë kjo thuajse gjithmonë problematike në çdo periudhë.

Qytetarët kanë mbetur të bllokuar për minuta të tëra, ndonëse në kryqëzim kishte efektivë që mundoheshin të normalizionin qarkullimin.

Mendohet se një pjesë e madhe e qytetarëve pasi kanë festuar me familjarët natën e ndërrimit të viteve kanë zgjedhur qytetet juglindore për të kaluar ditët e mbetura të pushimit.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)