Drifting në mes të qytetit, e pëson i riu në Belsh

Një 19-vjeçar ëdhtë gjobitur nga policia pasi ka xhiruar gomat e mjetit të tij mbrëmjen e të martës në Belsh, duke bërë drifting.

Policia bën të ditur se i riu është gjobitur me 10 mijë lekë gjobë, ndërsa mjeti i tij u sekuestrua si provë materiale.

"Specialistët për Hetimin e Krimeve të Komisariatit të Policisë Cërrik referuan materialet në Prokurori, ku nisi procedimi penal për shtetasit:

-F. B., 19 vjeç, pasi dyshohet se ka prishur qetësinë publike, duke xhiruar gomat e automjetit që drejtonte mbrëmjen e djeshme, në Belsh. Gjithashtu, shërbimet e Policisë Rrugore e kanë ndëshkuar këtë shtetas, me masë administrative 10 000 lekë të rinj, për shkelje të pikës 3 të nenit 139 të Kodit Rrugor. Më tej, automjeti i këtij shtetasi u sekuestrua me cilësinë e provës materiale", thotë policia.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)