Alarmi i SHBA për sulme iraniane në Shqipëri, Antiterrori “blindon” ambasadat dhe kampin "Ashraf 3"

Paralajmërimi nga Ambasada Amerikane për kërcënime të mundshme nga grupe të lidhura me Iranin në territorin e Shqipërisë ka vënë në lëvizje autoritetet, të cilat kanë shtuar masat e sigurisë.

Strukturat e sigurisë në vend kanë vepruar duke rritur praninë e forcave të Antiterrorit në terren dhe shtimin e kontrolleve pranë ambasadave, kampit “Ashraf 3” në Manëz dhe hapësirave të tjera publike në Shqipëri.

Burime bëjnë me dije se njësitë e Antiterrorit kanë intensifikuar monitorimin në terren, duke vendosur në fokus objekte me ndjeshmëri të lartë, përfshirë edhe ambasadat e SHBA-së dhe Izraelit, si dhe kampin e muxhahedinëve në Manzë.

Në kuadër të këtyre masave, pritet edhe shtim i dukshëm i forcave policore në pika kyçe.

Alarmi u dha një ditë më parë nga Ambasada Amerikane, e cila përmes një njoftimi publik paralajmëroi se grupe të lidhura me Iranin mund të synojnë objekte të lidhura me interesat amerikane, por edhe hapësira publike në Shqipëri.

"Grupet e lidhura me Iranin mund të shënjestrojnë subjekte të lidhura me Shtetet e Bashkuara ose elementë të opozitës iraniane në Shqipëri. Ata gjithashtu mund të synojnë vende të zakonshme, të tilla si vende turistike, qendra tregtare, hotele, klube dhe restorante. Ne i inkurajojmë qytetarët amerikanë të ushtrojnë vigjilencë të shtuar", thuhej në njoftim.

LEXO MË SHUMË

Aktualitet

Ambasada e SHBA: Grupe të lidhura me Iranin mund të shënjestrojnë Shqipërinë

Ambasada amerikane në Tiranë paralajmëron se grupe të lidhura me Iranin mund të shënjestrojnë në Shqipëri subjekte të lidhura me SHBA-në, si dhe opozitën iraniane.

19:28 3 ditë më parë01.04.2026.

Autori

Aktualitet

Paralajmërimi i SHBA për sulme iraniane në Shqipëri, PD: Të mblidhet Këshilli i Sigurimit! Hoxha: Nuk është alarmuese

Pas alarmit të dhënë nga ambasada e SHBA në Tiranë për shënjestrim nga Irani të vendeve në Shqipëri, deputeti demokrat Tritan Shehu kërkoi nga Kuvendi që kryeministri Edi Rama të përgjigjet për masat e mara në këtë drejtim, por ministri i Jashtëm, Ferit Hoxha tha se s'ka vend për alarm.

10:22 3 ditë më parë02.04.2026.

Autori

Politikë

Paralajmërimi i SHBA për sulme, PS: Njoftim rutinë; PD: Siguria kombëtare nuk është çështje kafenesh

Përplasje mes PS dhe PD në Kuvend në lidhje me paralajmërimin e ambasadës së SHBA se grupe të lidhura me Iranin mund të sulmojnë Shqipërinë.

10:38 3 ditë më parë02.04.2026.

Autori

Pas këtij zhvillimi, strukturat e Antiterrorit kanë zhvilluar takime koordinuese me përfaqësues të ambasadave amerikane dhe izraelite, me qëllim rritjen e gatishmërisë dhe përballimin e çdo skenari të mundshëm.

Pjesë e këtij operacioni është edhe SHISH, i cili në bashkëpunim me Policinë e Shtetit po monitoron situatën dhe po forcon masat e sigurisë për mbrojtjen e objekteve diplomatike dhe zonave me frekuentim të lartë.

Edhe pse plani i masave kishte nisur më herët, paralajmërimi i fundit ka rritur ndjeshëm nivelin e alarmit dhe ka intensifikuar analizën e rrezikut në vend.

Që kur nisën sulmet para vetë opozita iraniane që ndodhet në kampin 'Ashraf 3' në Manzë reagoi duke i cilësuar si propagandë raportimet për një sulm të mundshëm me raketa ndaj këtij kampi.

“Lajmet e publikuara nga Irani për mundësinë e një sulmi me raketa ndaj Ashraf 3 dhe mbulimi i tyre në disa media shqiptare janë thjesht propagandë e orkestruar nga regjimi iranian. Kjo po bëhet për qëllime lufte psikologjike, me qëllim krijimin e shqetësimit dhe kaosit në Shqipëri. Këto pretendime nuk kanë bazë dhe nuk bazohen në asnjë fakt”, u shpreh zëdhënësi i kampit 'Ashraf 3'.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)