Hyn me armë në shtëpinë e fqinjëve dhe i kërcënon, shmanget krimi në Sarandë

Policia e Sarandës ka arrestuar një 62 vjeçar që kërcënoi me armë zjarri fqinjët.

12.03.2026. 17:23

Hyn me armë në shtëpinë e fqinjëve dhe i kërcënon, shmanget krimi në Sarandë

Ndërhyrja në kohë e policisë së shtetit ka shmangur përshkallëzimin e një konflikti mes dy fqinjësh në qytetin e Sarandës.

Efektivët blu morën njoftimin nga një shtetase se fqinji i kishte hyrë në banesë dhe kishte kërcënuar atë dhe familjarët e saj me një armë zjarri, tip pistoletë.

Menjëherë, policia ka shkuar në vendngjarje dhe ka bërë të mundur neutralizimin dhe arrestimin e shtetasit Sh. K., 62 vjeç.

Sipas të dhënave paraprake sherri mes fqinjëve ka ardhur në lidhje me mosmarrëveshjet që kishin prej kohësh në lidhje me shfrytëzimin e tarracës në pallatin ku banonin.

Materialet procedurale iu referuan Prokurorisë së Sarandës, për veprime të mëtejshme.

Shkarkoni aplikacionin Newsmax Balkans:

Komente (0)