Berisha para Kryeministrisë: Skandali i AKSHI-t, kërcënim jo vetëm për Shqipërinë, por edhe për SHBA e NATO

Sali Berisha në Foltoren e kësaj të ëhen para Kryeministrisë e quajti qeverinë Rama “një organizatë kriminale dhe armike e Shqipërisë dhe shqiptarëve”.

Ai paralajmëroi se më 24 janar bota do të mësojë fuqinë dhe vendosmërinë e protestuesve, duke theksuar rëndësinë e kësaj jave si përgatitore për protestën më të madhe të kryeqytetit.

Berisha u ndal veçanërisht te skandali i AKSHI-t, duke e përshkruar si dëshmi të korrupsionit masiv të qeverisë dhe si një kërcënim jo vetëm për Shqipërinë, por edhe për Shtetet e Bashkuara dhe NATO-n. Ai akuzoi kryeministrin Edi Rama dhe zëvendëskryeministren Belinda Balluku për bllokimin e ligjit dhe shtetit ligjor, duke e cilësuar prezencën e saj në Kuvend si një provokim të drejtpërdrejtë ndaj qytetarëve.

“Kjo protestë është për të mbrojtur të vërtetën dhe për të sfiduar narkoqeverinë,” tha Berisha.

Berisha paralajmëroi se protesta e 24 janarit do të jetë një moment historik, dhëmbë për dhëmbë, përballë regjimit, duke synuar të bëjë të qartë se qytetarët nuk do të heshtin përballë korrupsionit dhe provokimeve të qeverisë.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)