“Nuk jam unë, janë foto me AI”, modelja meksikane mohon ta ketë ‘shitur’ El Mencho-n tek amerikanët

Thashetheme të forta kanë qarkulluar në rrjetet sociale orët e fundit në lidhje me të dashurën e bosit meksikan të vdekur, "El Mencho", e cila dyshohet se ia dorëzoi trafikantin e drogës autoriteteve.

Sipas asaj që qarkulloi dhe u bë trend global, është një influencere e njohur meksikane dhe modele e OnlyFans, Maria Julissa, me foto që qarkullojnë që e tregojnë atë, të paktën teorikisht, në shoqërinë e Nemesio Oseguera, disa orë para se ai të vritej gjatë një operacioni të madh policor.

Influencuerja meksikane i mohon kategorikisht akuzat që e lidhin atë me udhëheqësin e kartelit Jalisco New Generation (CJNG), duke cituar foto dhe video të manipuluara që dyshohet se janë krijuar me inteligjencë artificiale.

Por, kush është Maria Julissa?

Maria Julissa, me origjinë nga Sonora në Meksikën veriore, është një personalitet i mediave sociale, me një prani kryesisht në Instagram, ku mban një llogari me përmbajtje që lidhet me modën, udhëtimet dhe stilin vanitoz të jetës. Ajo gjithashtu ka një bazë abonentësh në platformat e përmbajtjes për të rritur, të tilla si OnlyFans.

Deri vonë, imazhi i saj publik ishte i kufizuar në bashkëpunime me marka produktesh, paraqitje në klube nate dhe postime personale. Emri i saj nuk ishte lidhur në asnjë burim zyrtar me krimin e organizuar ose rrjetet e karteleve, por kjo ndryshoi kur një postim u bë viral dhe aty pretendohej se ajo ishte personi i fundit i parë me "El Mencho" para vdekjes së tij.

LEXO MË SHUMË

Nëpër botë

Dhuna pas vdekjes së El Mencho, mijëra ushtarë në Meksikë për të vendosur rendin

Meksika ka vendosur mijëra ushtarë për të forcuar sigurinë pas një vale dhune që shpërtheu pas vdekjes së një bosi të fuqishëm droge, tha ministri i sigurisë së vendit.

07:34 6 ditë më parë24.02.2026.

Autori

Amerika

Pas vrasjes së bosit të drogës “El Mencho”, të paktën 26 të vdekur në Meksikë

Janë vrarë 17 pjesëtarë të forcave të rendit, mes viktimave edhe një grua e cila ishte në muajin e tretë të shtatzënisë.

16:13 6 ditë më parë23.02.2026.

Autori

Amerika

Vrasja e baronit të drogës në Meksikë, “El Mencho” nxit trazira në vend

Raportohen bllokime autostradash, qytete në flakë dhe sulme ndaj infrastrukturës, duke përfshirë aeroporte.

22:03 7 ditë më parë22.02.2026.

Autori

Si filluan thashethemet?

Më 24 shkurt, një llogari në pltaformën ‘X’ postoi një foto që pretendonte të ishte imazhi i fundit i "El Mencho". Imazhi tregonte një burrë që imitonte bosin e drogës pranë një gruaje në një klub nate, duke pretenduar se gruaja ishte Maria Julissa dhe se ajo i kishte njoftuar autoritetet për vendstrehimin e tij.

Postimi u bë viral, duke mbledhur mijëra shpërndarje dhe komente brenda disa orësh. Pasuan imazhe të tjera, duke përfshirnjë foto të një gruaje që mbante veshur uniformë të kartelit CJNG.

Asnjë autoritet meksikan apo amerikan nuk ka konfirmuar identitetin e gruas që dyshohet se ka dhënë informacion për të ndihmuar në gjurmimin e kartelit. Deklaratat zyrtare përmendin vetëm informacion nga një "partner romantik anonim", pa përmendur asnjë individ.

Mohimi publik

Maria Julissa reagoi nëpërmjet rrjeteve sociale, duke mohuar kategorikisht çdo përfshirje. Ajo theksoi se postimet që duket se tregojnë se ajo u ka dhënë informacione autoriteteve janë plotësisht të rreme dhe u bëri thirrje ndjekësve të saj të raportojnë faqet e Facebook-ut që qarkullojnë, siç pretendoi ajo, histori të sajuara.

“Qarkullojnë informacione se gjoja kam publikuar histori rreth asaj që ka ndodhur në Meksikë. Dua të sqaroj se e gjithë kjo është plotësisht e rreme! Unë jam një person që nuk i pëlqejnë problemet, nuk më pëlqen të përfshihem me askënd dhe dua ta shijoj festën në paqe. Ju lutem, nëse shihni postime si ato më poshtë, raportojini!”, shkroi Julissa në Instagram.

Në të njëjtën kohë, ajo nënkuptoi se disa nga imazhet dhe klipet audio që qarkullojnë janë ndryshuar dixhitalisht ose janë krijuar me mjete të Inteligjencës Artificiale me qëllim që ta paraqesin atë në mënyrë të rreme si të lidhur me “El Mencho”. Mediat meksikane raportuan se ajo e përshkroi materialin si “të rremë dhe mashtrues”.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)