I vunë tritolin 67-vjeçarit, Gert Bushati lihet në burg, pranon autorësinë

Gjykata ka vendosur arrest me burg për Gerti Bushatin, autorin e vendosjes së tritolit në Shkodër ku humbi jetën Hysni Ymeri. 

Ai ka deklaruar para togave të zeza se nuk e dinte se do të vdiste dikush nga vendosja e eksplozivit në panelin e matësve elektrike.

Në deklaratën e tij në polici autori i dyshuar Bushati ka thënë se tre shtetasit e tjerë të arrestuar Edison Hasaj, Gjergj Zefi dhe Ergys Ibrahimi janë personat që e kanë kontaktuar për të vendosur sasinë e tritolit.

Ndërkohë gjykata dha “Arrest me burg” edhe për Gjergj Zefi, Ergys Ibrahimi, Edison Hasaj, të dyshuar si pjesëmarrës në vrasjen e Hysni Ymerit me tritol. Këta tre shtetas nuk e kanë pranuar në polici ngjarjen ndërsa në gjykatë nuk kanë folur duke u përfaqësuar nga avokatët. Ata janë shprehur se nuk kanë asnjë lidhje me tritolin dhe kanë mohuar se mund të jenë ata porositësit e Gert Bushatit.

Tre të tjerët nuk kanë pranuar autorësi të ngjarjes dhe arsyeja e vrasjes së Ymerit mbetet e paqartë. Ngjarja e rëndë ndodhi më 27 janar, teksa hetimet vijojnë.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)